చివరలో ఉన్న చిత్రం/ వీడియో/ ఆడియో మరువద్దు. 1 min read time.

ఏమండీ తల్లి దండ్రులను పక్క (పై) ఇంటి (బజారు/ ఊరు/ రాష్ట్రం/ దేశం) లో ఉంచి, చూస్తే విలువ తగ్గించినట్లు గా నా, ప్రేమ బాధ్యత లేదా? ధనం మరియు స్థిరత్వం లేనప్పుడు , పెద్ద నగరాలు పక్క రాష్ట్రాలు విదేశాలు తీసుకుని వెళ్ళలేము కదా?

ధన్యవాదాలు మొన్నటిది చదివి కొన్ని అయినా ఒప్పుకున్నందుకు, పిల్లలు మరియు భాగస్వాములైతే బలవంతముగా మనతో తీసుకు వస్తాము, తల్లి దండ్రులు అయితే వదిలేస్తాము, వారి ఇష్టానికి లేదా బంధువులతో అని.

మన అవకాశం అవసరం అంతే, అక్కడ ప్రేమ బాధ్యత క్రుతజ్ఞతలు ఉండవు అని. చాలా మంది ఇవి ఒప్పుకోరు, వాదిస్తారు. ఇవన్నీ మన మనసాక్షి కే తెలుసు, బయట వారు చెప్పక్కరలేదు.

1. తల్లి దండ్రులను పక్కన ఇంటిలో ఉంచి చూడటం తప్పా? - దీనికి కూడా మీరే జవాబు చెప్పండి, మధ్యలో మేము ఎందుకు, మమ్మల్ని తిట్టుకోవడం ఎందుకు.

అదే ప్రశ్న, మన జీవిత భాగస్వామి ని పిల్లలను అడిగితే? మరియు అదే విధముగా పక్కింట్లో పెడితే, వారు సంతోషముగా నవ్వుతూ ఒప్పుకుంటారా? ఒప్పుకుంటే, ఇబ్బంది లేదు కదా. అందరూ సమ దూరములో ఉంటారు మనకు, ఇంక పాపం పుణ్యం ఏమీ ఉండదు.

మన అవసరాలకు పనికి వచ్చే, వయసులో ఉన్న వారు మరియు పిల్లలు, మనతో మాత్రమే ఉండాలి.

వయస్సు ఉడిగినాక 60 దాటాక, ఎందుకు వారిపై వివక్ష? మన ఈ ఉన్నత స్థానానికి, వారు కారణం కాదా?

మనకు 10 ఏళ్ళ వయస్సు ఉన్నాప్పుడు అడిగామా ఆ మాట, మమ్మల్ని పక్కింట్లో పెంచండి, చుట్టాల దగ్గర వదలండి లేదా మేము అనాధ ఆశ్రమములో పెరుగుతాము అని?

వారు కింద పడితే, కనీసము చూసి డాక్టర్ దగ్గరకు తీసుకెళ్ళే వారు లేక అలాగే పడి ఉండాలి, పొద్దున్న లేదా రోజు లేదా వారం తర్వాత చూసిన దాకా? పేరెంట్స్ ని పసి పిల్లలు గా, ఎప్పుడూ గమనిస్తూ ఉండాలి, ప్రతి క్షణం, అని మీకు తెలియనంత క్రుతఘ్నులా లేక మూర్ఖులా?

రాత్రి మంచం మీద నుంచి కిందపడతారు లేదా టాబ్లెట్ కావాలని అడుగుతారు, ఎవరు పలుకుతారు పై మరియు పక్కింట్లో ఉంటే అర్ధరాత్రి?

ఆ ప్రశ్న అడగడానికి, మీకు జాలి దయ క్రుతజ్ఞతలు, మీ సొంత తల్లి దండ్రుల మీద లేదా? ఇంక స్నేహితుల సమాజ మంచి, మీరు కోరతారా? సమయము దొరుకుతుందా?

2. ధనము సంపద లేకపోతే? - గతములో ఒక పేద పూరింటి వారితో, మాట్లాడా, ఆయన ఆలోచన మంచి తనము తెలుసుకుందాము అని. ఏమయ్య నీకే ఇంత ఇబ్బంది గా ఉండి, ఇంత చిన్న ఇంట్లో ఉంటూ, తల్లి దండ్రులను పెట్టుకున్నావు. కష్టముగా ఇబ్బందిగా లేదా అని?

ఆయన ప్రశాంతముగా చిరునవ్వుతో జవాబు - ఏమండి, నన్ను చేసుకున్న దానికి నా పిల్లలకు గంజి పోస్తే, అదే గంజి నా తల్లి కి పెడతా. వీరికి పరమాన్నము పెడితే, నా తల్లికి అదే. కాబట్టి ఉన్నదే నాకు పుట్టిన వారికి, నన్ను కన్న వారికి. సౌకర్యాలలో తేడా ఉండదు, అంత నీచుడిని కుసంస్కారిని కాను అన్నారు.

ఆయన సంస్కారానికి నమస్కారం చేసి, తల దించుకుని గమ్ముగా వచ్చాను.

మనకు తెలిసిన వారు, ఇలాంటి ఈ ప్రశ్నలు అడిగే వారు, ఇంత కన్నా బీద వారా? పూరింట్లో ఉంటారా? కాదు కదా? ధనము ఉన్న కోటీశ్వరులు కూడా, ఇంట్లో దగ్గరగా పెట్టుకోవడము లేదు కదా?

కేవలము వ్యామోహములో ఉండి, తన పిల్లలకు మరియు తల్లి కి, తేడా వివక్షత చూపించే వారే ఇలా మాట్లాడుతారు, తప్పించుకోవడానికి.

ఇప్పుడు జీవితభాగస్వామి ఒప్పుకోవడం లేదు పేరెంట్స్ ని అంటే, గతములో పెళ్ళి అప్పుడు, మనము ఇంక దేనికోసమో, మన అంతరాత్మను అమ్మేసాం, అని ఇప్పుడైనా ఒప్పుకోవాలి పశ్చాత్తాప పడాలి కదా.

ధనము లేక సంపాదనకు ఇతర స్థలాలకు రాష్ట్రాలకు దేశాలకు, పోయేవారికి దోవ, మన పాత సినిమాలలో చూపించారు ఎప్పుడో.

హీరో క్రుష్ణా ఎంటీయార్ ఏయెన్నార్, విదేశాలలో చదువు మరియు ఉద్యోగ నిమిత్తము వెళుతూ, పేరెంట్స్ తో పాటు గా భాగస్వామిని పిల్లలను, ఇంట్లోనే వదిలి వెళ్ళారు.

ఎవరినీ తక్కువగా ఎక్కువగా చూడలేదు. ఇంక ఆ వ్యక్తిని మనము తప్పు పట్టలేము కదా. అంటే, మనసు ఉంటే మార్గాలు ఉంటాయి.   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.