చివరలో ఉన్న చిత్రం/ వీడియో/ ఆడియో మరువద్దు. 1 min read time.

ఆనాటి మరియు నేటి బీదవాళ్ళ పరిస్థితులకు అద్దం పడుతుంది ఈ పాట. అన్ని సమ్రుద్దిగా అందరికీ తగినంత దొరికే రామరాజ్యం నుంచి, నేడు లేని వానికి ఏమీ దొరకని పరిస్థితికి వచ్చామని వివరము గా ప్రతి విషయము గురించి చెపుతుంది ఈ పాట.

తినడానికి తిండీ లేదు, ఉండాలి అంటే ఇల్లూ లేదు, చేద్దామంటే పనీ లేదు, పోనీ పోదామంటే చోటూ లేదు అని మూడు ముక్కలలో బీదవారికి జరుగుతున్న అరాచకాన్ని ఎత్తి చూపుతుంది.

ఎందుకంటే, మనలో స్వార్ధము పెరిగి పోయి, వీలైనంత బీదలను మోసము చేసి దోచుకుని, దాచుకోవడానికి మరిగి, మన పిల్లలకు బుద్దులు చెడి, పక్కవారి గురించి మంచి ఆలోచన చేయడం మరచాము. ఎవరికీ సహాయము చెయ్యము, మనకు కడుపు నిండితే చాలు అనుకుంటాము.

కానీ మన చుట్టూ బీద వారి ఆకలి కేకలు పెరిగి, వారు అంతా కలసి తిరగబడితే, మన పరిస్థితి ఏమిటో, ఎవరమూ ఆలోచన చెయ్యడము లేదు.

బీదలకు గంజి లేక రోడ్లు మీద అమ్మా అయ్యా అని దొర్లుతూ ఉంటే, వ్యాపారులు నాయకులు ఉన్నవాళ్ళు బీదల పొట్టలు కొట్టి, తిన్నది అరక్క తాగింది మత్తు దిగక, బారుల్లో/రోడ్లు మీద పడి దొర్లుతున్నారు.

లేని అమ్మ అతుకుల బొంతల కంతల చీర కట్టుకుంటే, కారుల్లో తిరిగే కార్పొరేట్ లో పనిచేసే ఉన్న అమ్మ కు గుడ్డే కరువైనట్లు గా కురచనై పోతున్నది.

నోరు లేని దేవుడి ముందు మొక్కులు మొక్కుతూ, వెనక తప్పులు చేసే పెద్ద మనుషులను ఎందుకు వదులుతున్నావు స్వామీ అని, ఆ పిల్లాడి గొంతు ద్వారా, మంచి పాటను, పలికించారు, శైలజమ్మ గొంతుతో.

నాంపల్లి టెషనుకాడి రాజాలింగో ఓ ఓ రాజాలింగ
రామారాజ్యం తీరును సూడు శివా శంభులింగ
లింగా రామారాజ్యం తీరును సూడు శివా శంభులింగ

తిందామంటే తిండీ లేదు ఉందామంటే ఇల్లే లేదు 2
చేదామంటే కొలువూ లేదు పోదామంటే నెలవు లేదు ||నాంపల్లి టెషనుకాడి||

గుక్కెడు గంజి కరువైపాయె బక్కడి ప్రాణం బరువైపాయె 2
బీదాబిక్కి పొట్టలుకొట్టి మేడలుకట్టే సీకటి శెట్టి ||నాంపల్లి టెషనుకాడి||

లేని అమ్మది అతుకుల బతుకు, ఉన్న బొమ్మకి అందం ఎరువు 2
కారల్లోన తిరిగే తల్లికి కట్టే బట్ట బరువైపాయె ||నాంపల్లి టెషనుకాడి||

ముందు మొక్కులు వెనక తప్పులు వున్నవాడికే అన్ని చెల్లును 2
ఉలకావేమి పలకావేమి బండారాయిగ మారిన సామి ||నాంపల్లి టెషనుకాడి||

Nampally Station Kada Raaja Lingo - Erra Mallelu Songs || Murali Mohan, Madhala Ranga Rao
నాంపల్లి స్టేషన్ కాడి రాజా లింగో వీడియో సాంగ్ - ఎర్ర మల్లెలు సాంగ్స్ || మురళీమోహన్, మాదాల రంగారావు (1981)   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.