1 min read time.

How about our innocent children, Jagananna Chandrannana Pawananna Chinnamma for you? Our children won only if you voted? Have Debt knowledge?


*మా అమాయకపు ముద్దు బిడ్డలు, ముద్దు పిల్లలు, మా ముత్యాలు, జగనన్న చంద్రన్న పవనన్న చిన్నమ్మ గురించి మీకెలా, వారి దోవ వారు ఎంచుకున్నారు. మీరు ఓటేస్తే నే కదా మా పిల్లలు గెలిచింది? నియంతగా అడ్డుదోవలో రాలేదు కదా? అప్పుడు వారి తప్పులకు మీరు బాధ్యులు కాదా, మీ బాధ ఏమిటి? అప్పు జ్ఞానం?*

మన గురించి మాత్రం, మనం అందరి ఎదురూ చెప్పలేము కదూ 5 ఏళ్ళుగా, మన అనుభవం తో. కనీసం తెలుగు లో రాయలేం, పిల్లలతో రాపించలేము, కన్నతల్లి భూమి కి కృతజ్ఞతలు తో.

బానిస బతుకు అప్పు లేకుండా, స్వచ్చమైన అన్నం తింటున్నాం అని చెప్పలేని, దౌర్భాగ్య బతుకులు మనవి అంటున్నారు పెద్దలు.

నెల నెలా అప్పుకు కు, ఇంత జమ చేస్తూ, మిగతా భిక్షతో బువ్వ తింటూ ఉంటే అర్ధం ఏమిటి? అయ్యా, దయగల బాంకు డిపాజిట్ మారాజులూ, మీ దయ కరుణ జాలి తో, మా క్రెడిట్/ సిబిల్ స్కోర్ మరియు ఇతర మా వ్యక్తిగత అర్హతలు చూసి మెచ్చి, మీరు చెప్పిన వడ్డీకి, మా అప్పు దయతో ఆమోదించి, భూతదయ సహాయం వలన, మీ మోచేతి నీరు తాగుతూ, మా సంసారం చేస్తూ, మేం మాత్రం స్వార్ధంగా, ఇతరులకు సహాయం చెయ్యకుండానే బతుకుతున్నాం, సగర్వంగా.

భాంచెన్ మీ కాళ్ళు, మా ఇంటిల్లిపాదీ మొక్కుతాం, మా భాగస్వామి, పిల్లలు, నేను బతకాలి అంటే, మీరు దయతో వదిలితే, కొంత ధనం నెల నెలా మాతో ఉండాలి, లేదంటే మా కుటుంబ గొంతులోకి ముద్ద దిగదు, ఉండటానికి ఇల్లు కారు సినిమా షికారు మోసాలు కపటాలు నాటకాలు ఉండవు. మీ అందరి/ బాంక్ ఫోటో పెట్టుకుని పూజించుకుంటాము, రోజూ సాష్టాంగ ప్రణామాలు చేస్తూ.

మీరు వడ్డీ పెంచుతామన్నా, రేపు కట్టేయండి వెనక్కి మొత్తం అన్నా, మాకు బీపీ షుగర్ ఇతరములు వస్తాయి వణుకుతో. మాలో ఎవరో ఒకరు పోతే, మరలా గోఫండ్ లు. ఏమిటో మా అప్పు బతుకులు అనే వారు ఎందరో, అవసరానికి మించి అప్పులు చేస్తూ.

మా యందు కరుణించండి, దాతలు దయగల మారాజులు, మా పెద్దల పిల్లల సంస్కారం పెంపకం కూడా గాలికి వదలిలేసి, మా 4 చేతుల సంపాదనతో వచ్చే, మా నెల నెలా 100 లో మీకు 50-70 కట్టి వచ్చే 30 ఏళ్ళు లేదా జీవితాంతం, మీ కాళ్ళకు మొక్కుతూ, మిగతా 50-30 తో మా కుటుంబం గౌరవంగా, తలవంచుకుని, ఆస్తులు పెంచుకుంటూ, జీవనం సాగిస్తాం, అని చెప్పినట్లు అర్ధం వస్తుంది, కాబట్టి అప్పు చేసి పప్పు కూడు వద్దు అని, మన పెద్దలు అంటారు. స్వర్గీయ ఎంటీయార్ తో సినిమా కూడా చూసాము.

మరి మీరు కాదంటారు కదూ, మన పెద్దలకన్నా మనకే జ్ఞానం ఎక్కువ కదూ? అప్పులేని వాడు, ఆస్తులు లేకపోయినా, మనశ్శాంతి ఆత్మగౌరవం ఆత్మశుద్ది ఉన్నవాడు, అసలు మనిషే కాదు, కుసంస్కారి అంటారు కదూ? అదే కలికాల ధర్మం. మరి ఇంత నీతి గల వారు మీరా, మా బిడ్డల గురించి సోషల్ మీడియాలో అనుకూలముగా/ప్రతికూలముగా వాదించేది?

మా అమాయకపు ముద్దు బిడ్డలు, ముద్దు పిల్లలు, మా ముత్యాలు మా రత్నాలు, జగనన్న చంద్రన్న పవనన్న చిన్నమ్మ గురించి మీకెలా ఆందోళన, వారి దోవ వారు ఎంచుకున్నారు. మీరు ఓటేస్తే నే కదా మా పిల్లలు గెలిచింది? నియంతగా అడ్డుదోవలో రాలేదు కదా? అప్పుడు వారి తప్పులకు మీరు బాధ్యులు కాదా, మీ బాధ/ రోదన ఏమిటి? మీకు చేతనైతే, మరలా ఎన్నిక ఉంది కదా? ఆత్మ అమ్ముడుపోకుండా, మీ పిల్లల క్షేమం కోసం, ఆవుకు ఓటు వేయలేని మానసిక బలహీనులు మీరు.

ఆవు లాంటి, పవనన్న, చిన్నమ్మ, ఇంకా అధికారం కే రాలేదు, వారిని చూసి కూడా, మీకు ఏడుపే. అధికారములో ఇంకా రానివారు అందరూ ఆవులే, వారి లక్షణాలు మనకు తెలీదు కదా. చంద్రన్న, జగనన్న లను ఆవులు అంటే, ఆ పార్టీ సభ్యులే ఊరుకోరు.

మా 4 గురు పిల్లల క్షేమం కోరే వారు, వారి పార్టీ నాయకులలలో, ఓటర్లలో, కనీసం ఒక్కరు అయినా ఉన్నారా? ఏదీ సాక్ష్యం చూపండి, మీ ప్రేమకు? మీరంతా వెనక ఉండి, మా పిల్లలను, మీ అవసర అవకాశం కోసం వాడుకునే, అవకాశవాదులు. పేపర్ టీవీలలో, తిట్లు శాపాలు కేసులు స్టేలు మా పిల్లలకు, ఫలాలు మీకు నా?

మీరు మీ ఇళ్ళ చుట్టూ, భూములు కబ్జాలు చేసి, షాపులు ఇళ్ళు గోడలు కట్టలేదా? తాకట్టులు పెట్టలేదా? ఉచితాల కోసం, రాష్ట్రం దాని ఆస్తులు తాకట్టు పెట్టి, అయినా పంచండి అని, మా పిల్లలను ప్రోత్సాహం చెయ్యలేదా? మీకు ఉచితముగా పంచినప్పుడు, మా పిల్లలు కాస్త వెనకేసుకుంటే స్వదేశంలో విదేశంలో బినామీలతో షెల్ కంపెనీలతో, కొంపలు మునిగాయా? అని వారు అడిగితే, ఏమి చెపుతారు?

మా పిల్లల పై మాకు ప్రేమ బాధ్యత ఉంది అని సాక్ష్యం ఉంది, ఎంత మంది ఎన్ని తిట్టినా రూపాయి తీసుకోకుండా, అందరి బాగుకోసము 1800+ కధనాలు రాశాము 500+ గొంతు పాటలు పాడాము. రోజూ వారిని మిమ్మల్ని, బతిమాలుతూ, పిల్లలూ, వద్దు ఇది తప్పు, అరిషడ్వర్గ అష్టవ్యసన బానిసత్వం వద్దు, మనము రేపు శిక్షణ తప్పక అనుభవించాలి, పంచభూతాలు వదలవు అంటే, మమ్మల్నే లెక్క చెయ్యరు, మా పిల్లలు అలాగే మీరునూ, 2017 నుంచి.

మాకు పెళ్ళి అయిపోయి, ఇంకో ఇంట్లో కాపురం ఉన్నాక, మా పాపాలతో మీకేమి పని, మా దోవలో మమ్మల్ని స్వేచ్చగా మా మనసారా బతకనీయండి అంటున్నారు, వారు, అలాగే మీరు కూడా. ఆ మాటలకే, మేము మురిసిపోతున్నాము. ఎందుకంటే, వారి పాపములో మాకు భాగం లేదు, మేము వారి/మీ తప్పులను సమర్ధన చెయ్యము, వారితో ఉండము, వారి పతనము అలాగే వారి పాపము కోరము.

మరి ఇక, ప్రాపంచిక బానిసలైన మీ గురించి మీరే చెప్పుకోలేని, మీ మాట ఎందుకు, మా పిల్లలు వింటారు, వినాలి?

మీ పిల్లలు మీ మాట వింటున్నారా? అవ్వ? వారిద్దరికీ/ వారందరికీ/ మీకు, వారి/ మన భవిష్యత్ తెలీదా?

ముందు, మన, ముదుసలి తల్లి తండ్రుల అత్తా మామలు, సేవ గురించి చెప్పండి.

మన, సంస్కార పిల్లల దగ్గర, ముదుసలి తనం లో దేవతలు గా పూజింప బడతారా, చెప్పండి.

మన, అప్పు సున్నానా? మనకు, మానసిక నియంత్రణ ఉందా? చెప్పండి?

ఆత్మాభిమానం వంశ గౌరవం తో, అవి ధైర్యంగా చెప్పలేనప్పుడు, నీతులు, ఫార్వర్డ్ చేయవద్దు, మా పిల్లలను ప్రశ్నించవద్దు తూలనాడవద్దు, ఉపయోగం ఏమిటి, నీతి మీరు మీ కుటుంబం పాటించనప్పుడు.

పోనీ కనీసం మీ కుటుంబం, నక్క పాము పులికి, గత 20 ఏళ్ళు గా ఓటేయలేదు. కేవలం ఆవు కే ఓట్లు వేసాం, ఉచితంగా మనస్సాక్షి తో, ఓడిపోతుంది అని తెలిసి కూడా, అనైనా స్టేటస్ లో చెప్పగలరా?

మనము, ముగ్గురు దగ్గర తీసుకుని లేదా వర్గం అవసరం అవకాశం అని, అమ్ముడుబోయి కళ్ళు మూసుకుపోయి ఓటు వేస్తే తప్పు లేదు కానీ, మా పిల్లలు, నాయకులు అధికారులు, మాత్రం మీ దగ్గర చేయి చాస్తే, అందినకాడికి దొరకబుచ్చుకుంటే, తప్పా? ఇదేనా సమానత్వం? మనకు ఒక నీతి, మా పిల్లలకు ఒక నీతి నా? అసలు ఓటు వేయని దౌర్భాగ్యులు ఉన్నారు మనలో, మరి మా పిల్లలు నాయకులు అధికారులు, ఎందుకు పని చెయ్యాలి మన కోసం? అని వారు అడిగితే, మనం మొఖము ఎక్కడ పెట్టుకుంటాము?

పోనీ తప్పు ను తప్పు గా చెప్పిన ధైర్యం ఉందా మీకు? ప్రజా పన్నుల పధకాలకు, మన కుటుంబ పేర్లు వద్దు, అని స్టేటస్ లో పిల్లల కు చెప్పారా?

తూ మీ బతుకు చెడ అని, కాలుడు, దైవము మరియు పంచభూతాలు ఊయవా? ఇదే ఆత్మ జ్ఞానం, మనల్ని మనం తెలుసుకుందాం. ఒక్క సారి ఆకాశం లోకి చూస్తూ ఊయండి గట్టిగా, ఎక్కడపడుతుంది? మన ముఖాన, అంతేనా. మన దగ్గర తప్పు పెట్టుకుని, మా పిల్లల మీద పడి ఏడుస్తారు ఎందుకు.

మా పిల్లలే ఒకసారి తిట్టుకుంటారు, కొట్టుకుంటారు, జైల్ లో పెట్టుకుంటారు, విదేశాలు వెళతారు, నవ్వుకుంటారు, విందులు వినోదాలు చేసుకుంటారు, ఆస్తులు దోచుకుంటారు దాచుకుంటారు మనకు 4 బిస్కెట్లు పడేస్తారు, వారసత్వ బానిసత్వం ఉండాలంటారు ప్రజాస్వామ్యం ఉత్త మాట అంటారు, మన వారు చేస్తే కరెక్ట్ అవతల వారు చేస్తే తప్పు అంటారు, మరలా అందరూ కలసి ఒకటౌతారు, అటు పార్టీ వారిని ఇటు మార్చుకుంటారు, అందరి ఆస్తులు తప్పులు ఒప్పులు గురించి లిస్ట్ వేస్తారు, మనదేశంలో/ విదేశాలలో మన తేజాలతో ధర్నాలు చేపిస్తారు బీరు బిర్యాని 500 ఇచ్చి, అన్ని మన అవలక్షణాలు, మన ఓటర్లు లాగనే. ఇవన్నీ మన ఇళ్ళలో బంధువులు స్నేహితులలో జరగడం లేదా? అని వారు అంటే?

మన ప్రతిబింబాలే, మన నాయకులు మరియు అధికారులు, ఆకాశం నుంచి విడిగా రాలేదు సుమీ, మనం పోషించిన, మన లాంటి మన ఇంటి తాను ముక్కలే. షేం టు షేం. కాస్త అన్ని కిటికీలు మూసుకుని, చల్లబడితే బాగుంటుంది, అని పెద్దల ఉవాచ. కందకు లేని దురద కత్తి పీట కి ఎందుకని, ఓ సామెత ఉంది కదా.

మనం ఎప్పుడులా ఓటీటీ/ టీవీ/ సినిమా/ సోషల్ మీడియా చూస్తూ పతనం అవుతుంటే, మన పిల్లలు మానసిక బలహీనతతో 20 ఏళ్ళకే మన ఇంట్లో వోడ్కాలు తాగుతూ శారీరక మానసిక స్నేహితులతో తందనాలు ఆడుతా, మన కపట నటనలు మనకే గుణపాఠాలు గా చూపిస్తూ, పతనము అవుతున్నారు కదా అని వారు అడిగితే, మన జవాబు? మొన్న అక్క చెల్లి కుటుంబ పతనం కధనము చదివారా మన వెబ్సైట్, టీవీ, పేపర్ల లో వచ్చింది. వాట్సాప్ స్టేటస్ చూడకపోతే, మీకు ఇక్కడ రాసే వాటికి అర్ధం పరమార్ధం తెలీదు సుమీ.   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.