చివరలో ఉన్న చిత్రం/ వీడియో/ ఆడియో మరువద్దు. 1 min read time.

భీముడు కాపలా కర్తవ్యాన్ని మరచి కునుకు తీస్తూ ఉంటే, పెద్దాయన వేషంలో క్రిష్ణయ్య మెలుకొలుపుతూ కర్తవ్యాన్ని భోదిస్తారు.

నిద్ర వలన ఎంత నష్టమో చాలా బాగా వివరిస్తూ, ముద్దు గా మనందరికీ జ్ఞాన బోధ చేస్తారు.

మత్తు అంటే నిద్ర ఒకటే కాదు. బుద్ధి హీనత కూడా, మందు, మాదకద్రవ్యాలు, మోహం, మైకం, మాయ, తెలివితక్కువ తనం, అన్ని అర్థం వస్తాయి.

ప్రాపంచిక మోహం, అరిషడ్వర్గాలు, అష్టవ్యసనాలు కూడా మత్తు నే, 60 ఏళ్ళ తర్వాత బయటకు వస్తే ఆ మత్తులో నుంచి తోడు ఎవరు ఉండరు, కన్న బిడ్డలే బయటకు నెడతారు. ఆఫీసు, స్నేహితులు, బంధువులు అయినా అంతే. మనకు శరీర అవయవాలు కూడా, రోగాలతో లేదా నిస్సత్తువ తో కదలవు.

ఇది నేటికీ, ఏనాటికీ అయినా, అందరికీ కావాలసిన పాటే మంచి బోధనకు. అచ్చ తెలుగులో, సరళమైన పదాల భగవద్గీత, సామాన్యుల కొరకు.

పెద్దల మాట చద్ది మూటలాగా, ఇది ఎంతో విలువైనది. అన్నగారి హావభావాలు నటన అపూర్వం, ఇంకొకరికి సాధ్యం కానే కాదు.

మీరు మనలాగనే మన సొంత గొంతు తో, శ్వాసక్రియ సాధనకు పాడి వినిపిస్తారు కదూ. అలాగే పాట అర్థం ను నిద్ర/ మత్తు/ మైకం జీవులకు వివరిస్తారు కదూ . .

అపాయమ్ము దాటడానికుపాయమ్ము కావాలి
అంధకారమలమినపుడు వెలుతురుకై వెదకాలి
ముందు చూపు లేనివాడు ఎందునకు కొరగాడు
సోమరియై కునుకువాడు సూక్ష్మమ్ము గ్రహించలేడు

మత్తు వదలరా నిద్దుర మత్తు వదలరా - 2
ఆ మత్తులోన పడితే గమ్మత్తుగ చిత్తవుదువురా||మత్తు వదలరా||

జీవితమున సగ భాగం నిద్దురకే సరిపోవు - 2
మిగిలిన ఆ సగ భాగం చిత్తశుద్ధి లేకపోవు
అతినిద్రా లోలుడు తెలివి లేని మూర్ఖుడు - 2
పరమార్ధం గానలేక వ్యర్ధంగా చెడతాడు ||మత్తు వదలరా||

సాగినంత కాలం నా అంత వాడు లేడందురు
సాగక పోతే ఊరక చతికిలబడి పోదురు
కండ బలము తోటే ఘన కార్యము సాధించలేరు
బుద్ధి బలము తోడైతే విజయమ్ము వరింపగలరు ||మత్తు వదలరా||

చుట్టుముట్టు ఆపదలను మట్టుబెట్ట బూనుమురా - 2
పిరికితనము కట్టిబెట్టి, ధైర్యము చేపట్టుమురా
కర్తవ్యము నీ వంతు కాపాడుట నా వంతు - 2
చెప్పడమే నా ధర్మం వినక పోతే నీ ఖర్మం ||మత్తు వదలరా||

Lyrics: Mattu Vadalara - Sri Krishna Pandaveeyam, Ghantasala for NTR, Udaykumar, Writer Kosaraju Raghavaiah, 1966

Sri Krishna Pandaveeyam, apayammu datadaniki, Mattu Vadalara, ntr, udaykumar, kosaraju, ghantasala   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.