వినాయక చవితి మంగళాచరణము - ఓ బొజ్జగణపయ్య నీ బంటు నేనయ్య - General - లోకం తీరు/ News
           
     
మిగతా లోకం తీరు కూడా చదివితే మీ సందేహాలకు జవాబులు లభిస్తాయి. 1244 కధనాలు. ఇతరులతో ఈ ఆసక్తి కరమైన విషయాలను పంచుకోగలరు. 1274 General Articles, 47 Tatvaalu.
Auto news updates for EAST and WEST in English/ Hindi/ Telugu along with TV, Radio, Newspaper, Newsbites
చివరలో ఉన్న చిత్రం/ వీడియో/ ఆడియో మరువద్దు. 1 min read time.

ఇంకో పది రోజుల్లో భాద్రపద శుద్ధ చవితి రాబోతోంది మరి. అందరం సిద్ధంగా ఉండాలి వినాయక పూజకు.

మట్టి వినాయక విగ్రహాలే సుమా, రంగులు ప్లాస్టర్ ఆఫ్ పారిస్ వద్దు. పసుపు ముద్ద చాలు సుమా.

భక్తి సంగీతం మాత్రమే. బయట ఎన్ని డాన్సులు వేసినా, గుడి లో పూజలు చేసినా, మనకు మనము కూడా మనసుతో ఇంట్లో పూజ చేయనిదే, వ్రత ఫలము దక్కదు సంపూర్ణముగా.

అన్ని విఘ్నాలు తొలగించే గణపతి. శివుని పుత్రుడు, విష్ణువు కు మేనల్లుడు. ఏ దేవునికి పూజ చేసినా, మొదట వినాయక పూజ చేయనిదే, ఫలితము ఉండదు, ప్రధమ హవిస్సు నైవేద్యం హారతి వినాయకునిదే.

అన్ని పుణ్య నదులలో స్నానం చేసి, ప్రపంచం ను చుట్టి రమ్మంటే ముందుగా, భారీకాయం చిట్టి ఎలుక తో కష్టమైనా, తెలివిగా తల్లి దండ్రులు చుట్టూ తిరిగి, తమ్ముని ఓడించిన ఘనుడు.

మంత్రాలు రావు నోటి కి తిరగవు అనకుండా, వారం ముందు నుంచే ప్రయత్నం చేస్తే, పుస్తకాలు దేవులాడో లేక ఫోన్ లో చూసో, సాధన మొదలు పెట్టాలి.

పూజలు దేవుని కోసం కాదు, మన మనసు ఏకాగ్రత తో నిగ్రహం సాధనకు మాత్రమే.

కళ్ళు చదువు తూ లేదా కళ్ళు మూసుకుని, గొంతుతో పాడే ప్రయత్నం చేసిన, ఉఛ్వాస నిశ్వాస నియంత్రణ తో, మనలో ఆధ్యాత్మిక భావం పెరిగి, అలాగే ధ్యాన ఏకాగ్రత కలుగుతుంది.

మరి ఈ పదిరోజులు లో, పిల్లలు పెద్దలు, ఈ పాట నేర్చుకోవాలి, పాడి మమ్మల్ని అందర్నీ, భగవంతుని తో పాటుగా ఉత్తేజ పరచి ఆనందింపజేయ ప్రార్ధన.

మన ఇంటికి మనమే బాలు సుశీల జానకి, గాత్రం ముఖ్యం కాదు, భక్తి మనసు ప్రయత్నమే ముఖ్యం.

ఇతరులు వినకపోయినా, మన గురువుల గొంతు వినడానికి ఈ శిష్యుడు ఎప్పుడూ సిద్ధం.

మరి మంత్రాలతో పాటుగా, తేట తెలుగు లో ఉన్న, ఈ మంగళ హారతి ని కూడా నేర్చుకోవాలి పాడాలి మరి మాలాంటి శిష్యులకు అలాగే రాబోయే తరాలకు ఆదర్శంగా ఉండాలి.

మన ధనం హోదా పదవి ఐశ్వర్యం, కరోనా ముందు దిగదుడుపే. కాబట్టి, పరమాత్మ అవసరం ఇప్పుడు అయినా తెలుసుకుందాం.

వినాయక మంగళాచరణము

శ్రీ శంభు తనయునకు సిద్ధిగణనాథునకును
వాసిగల దేవతా వంద్యునకును
ఆ సరస విద్యలకు ఆదిగురువైనట్టి
భూసురోత్తమ లోకపూజ్యునకును
జయమంగళము నిత్య శుభమంగళమ్

నేరేడు మారేడు నెలవంక మామిడి
దూర్వార చెంగల్వ ఉత్తరేణు
వేరువేరుగ దెచ్చి వేడ్కతో పూజింతు
పర్వమున దేవగణపతికి నిపుడు ॥జయ॥

సుచిరముగ భాద్రపద శుద్ధచవితి యందు
పొసగ సజ్జనులచే పూజగొల్తు
శశి చూడరాదన్న జేకొంటినొక వ్రతము
పర్వమున దేవగణపతికి నిపుడు ॥జయ॥

పానకము వడపప్పు పనసమామిడి పండ్లు
దానిమ్మ ఖర్జూర ద్రాక్షపండ్లు
తేనెతో మాగిన తియ్యమామిడి పండ్లు
మాకు బుద్ధినిచ్చు గణపతికి నిపుడు ॥జయ॥

ఓ బొజ్జ గణపయ్య నీ బంటు నేనయ్య
ఉండ్రాళ్ల మీదికి దండుపంపు
కమ్మని నేయుయు కడుముద్ద పప్పును
బొజ్జ నిండుగ దినుచును పొరలుచును ॥జయ॥

వెండి పళ్లెములోన వేవేల ముత్యాలు
కొండలుగ నీలములు కలయబోసి
మెండుగను హారములు మెడనిండ వేసి(కొని)
దండిగా నీకిత్తు ధవళారతి ॥జయ॥

పువ్వులను నినుగొల్తు పుష్పాల నినుగొల్తు
గంథాల నినుగొల్తు కస్తూరినీ
ఎప్పుడూ నినుగొల్తు ఏకచిత్తమ్మున
పర్వమున దేవగణపతికి నిపుడు ॥జయ॥

శ్రీ మూర్తి వ్యందునకు చిన్మయానందునకు, భాసురోతునకు శాశతునకు
సోమార్కనేత్రునకు సుందరాకారునకు, కామరూపునకు శ్రీగణనాథునకు -
జయమంగళం నిత్య శుభమంగళం

ఏకదంతమున ఎల్లగజ వదనంబు
బాగైన తొండంబు వలపు కడుపు
జోడైన మూషికము పరకనెక్కాడుచు
భవ్యుడగు దేవగణపతికి నిపుడు ॥జయ॥

చెంగల్వ చామంతి చెలరేగి గన్నేరు, తామర తంగేడు తరచుగాను
పుష్పజాతూ దెచ్చి పూజింతు నేనిపుడు, బహుబుద్ధీ గణపతికి బాగుగాను -
జయమంగళం నిత్య శుభమంగళం  
Author photo Sri, Telugu , 10 yrs Journalist/ Photo/ Video/ Edit/ Field/ Publish. 828 Foreign events/ places coverage, 1274 General Articles, 47 Tatvaalu
Dt : 31-Aug-2021, Upd Dt : 31-Aug-2021, Category : General
Views : 99 ( + More Social Media views ), Id : 1241 , State : Andhra/ Telangana (Telugu) , Country : India
Tags : vinayaka , ganesh , chaturdhi , chaviti , mangalacharanamu , bojjaganapayya , bantu
Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.

Share
అన్ని పత్రిక, టీవీ, సంక్షిప్త, రేడియో వార్తలు ఇక్కడే, అబ్బో అన్ని లింక్ లు గుర్తు వద్దు
Facebook Comments
All best news at one place for NRIs
Multiple source NEWS from 9 yrs
No Ads or Spam, free Content