చివరలో ఉన్న చిత్రం/ వీడియో/ ఆడియో మరువద్దు. 1 min read time.

Song Spirit - Tallivi Neeve Tandrivi Neeve - Mooga Nomu - ANR, Jamuna, SV Ranga Rao, Master Brahmaji

మనకు కష్టాలు వచ్చినా కన్నీళ్ళు వచ్చినా, ముందుగా ఆ దేవుని వేడుకుంటాము, తల్లివి నీవే, త౦డ్రివి నీవే, చల్లగ కరుణి౦చే, దైవము నీవే అని. మన కర్మానుసారమును బట్టి ఆ దేవ దేవుడు మన కోర్కెలను తీర్చుతున్నట్లు/తీర్చనట్లు గా కనపడుతూ, మన అరిషడ్వర్గ అష్టవ్యసన బానిసత్వానికి పరీక్ష పెడతారు.

అక్కడనే మన మానసిక బలం అలాగే బలహీనత కనపడుతుంది. సమతా స్తితి తెలుస్తుంది, బెల్లం తీపి అయినా వేప చేదు అయినా, మనలో ఎలాంటి వికారాలు తేడాలు ఉండకూడదు. అలాగే కష్ట సుఖాలు, సుఖ దుఃఖాల ను సమానముగా చూడాలి.

తిరుపతి వెంకన్న ను వేడుకుంటూ, పిల్లలు పాడే పాట, వేడుకున్న, దయతలచే, వే౦కటరమణా, తోడు నీడవై, మాపై, చూపుము కరుణా. మరి మన 10 ఏళ్ళ పిల్లలకు లేదా పెద్ద వారికి, దైవాన్ని ఆర్తిగా పిలవడము వచ్చునా? దైవం మీద నమ్మకముతో ఏమైనా వారంతట వారు చేసారా? లేదా కనీసం ఇతరులను చూసి అయినా ప్రయత్నం చేసారా?

మనకు 3 ఏళ్ళు పైగా ఆదాయం లేకపోయినా, దైవాన్ని ప్రశ్నించలేదు. ఎందుకంటే, ఆయన పెట్టే పరీక్షను మనము గెలవాలి, ఆయన మనతోనే పక్కన ఉండి నడిపిస్తారు, కన్న తండ్రిలా కష్టాలు ఎలా దాటాలో నేర్పిస్తారు. ఎందుకంటే గత జన్మ పాపాలు ఇప్పుడు తీరిపోవాలి. కర్మ బంధాలను తెంపాలి.

మరి మనము క్రుతజ్ఞత గా, తిరుపతి వెంకన్నను మనసారా సేవిస్తూ, 190+ వారాల 108 ప్రదక్షిణలు 1 గంట 15 నిమిషాలు ఆగకుండా చేతి వేలి గీతలతో, మనసులో కరమాల లెక్కవేస్తున్నాము. అలాగే, 40 నెలలు గా ప్రతి నెలా శిరోముండనము (గుండు) చేసుకుంటూ, జుత్తు పై మోహాన్ని వదిలేసాము. మరి మీరూ మీ సాధనలు చెపుతారు కదూ అందరితో?

మరి ఆ దేవుని తలుస్తూ పూజిస్తూ యాత్రలు యాగాలు చేస్తూ, ముదుసలి అమ్మ నాన్నను దూరంగా వదిలితే, చుట్టూ ఉన్న ఒంటరి వారిని లేదా ఇతరులను వారి మానాన వదిలేస్తే, మన కపట నటన పూజలకు, ఆ దేవుడు లొంగుతాడా? ఆ పంచభూతాలు మనకు విశ్వసనీయత క్రుతజ్ఞత నేర్పకుండా వదులుతాయా, ఎన్ని జన్మలకైనా? మరి, మీరు పిల్లలు ఈ పాట పాడుతూ, మానసిక బలాన్ని పెంచుకుంటారు కదూ.

తల్లివి నీవే.., త౦డ్రివి నీవే.. 2
చల్లగ కరుణి౦చే, దైవము నీవే..

వేడుకున్న, దయతలచే, వే౦కటరమణా..
తోడు నీడవై, మాపై, చూపుము కరుణా..
వే౦కటరమణా.. వే౦కటరమణా..
వేడుకున్న, దయతలచే, వే౦కటరమణా..
తోడు నీడవై, మాపై, చూపుము కరుణా..
నీ కన్న, మాకెవరు, లేనేలేరు
నీ దీవెనలే, మాకు చాలు, వే౦కటరమణా..
వే౦కటరమణా.. వే౦కటరమణా.. ||తల్లివి నీవే||

గాలిలోన, దీపములా, ఉన్నామయ్యా..
నీజాలి వల్లనే, వెలుగు, నిలిచేనయ్యా..
వే౦కటరమణా.. వే౦కటరమణా..
గాలి లోన, దీపములా, ఉన్నామయ్యా..
నీ జాలి వల్లనే, వెలుగు, నిలిచేనయ్యా..
నీ పూజ కొరకు, పూచిన పువ్వులమయ్యా..
నీ పాదాలే, మాకు శరణు, వే౦కటరమణా..
వే౦కటరమణా.. వే౦కటరమణా..||తల్లివి నీవే||   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.