1 min read time.

టంగుటూరి ప్రకాశం పంతులు (ఆగష్టు 23, 1872 – మే 20, 1957) గారు సుప్రసిద్ధ స్వాతంత్ర్య సమర యోధులు, ఉమ్మడి ఆంధ్ర తెలుగు రాష్ట్రానికి మొట్ట మొదటి ముఖ్యమంత్రి. 149 వ జయంతి.

నిరుపేద కుటుంబంలో పుట్టి, వారాలు చేసుకుంటూ చదువుకుని, ఆంధ్ర రాష్ట్ర మొదటి ముఖ్యమంత్రి (1953) అయిన ధీరోదాత్తుడు, మన టంగుటూరి ప్రకాశం పంతులు గారు. 

1940, 50 ల లోని ఆంధ్ర రాజకీయాల్లో ప్రముఖంగా వెలుగొందిన వ్యక్తుల్లో ప్రకాశం గారు ఒకరు. మద్రాసు రాష్ట్రం నుంచి, ప్రత్యేకాంధ్ర రాష్ట్ర సాధనలో నిర్ణాయక పాత్ర పోషించారు. మద్రాసులో సైమన్ కమిషన్ వ్యతిరేక ప్రదర్శనలో, తుపాకి కెదురుగా గుండెనుంచి, ఆంధ్రకేసరి అని పేరు బిరుదుగా పొందినవారు.

ఆయన జ్ఞాపకాలను కలకాలం ఉండాలి అని, ప్రకాశం జిల్లా ను ఒంగోలు రాజధాని తో ఏర్పాటు చేశారు. డిసెంబర్ 5,1972 వ తేదీన, జిల్లాలోని కనుపర్తి గ్రామములో పుట్టిన గొప్ప దేశభక్తుడు, ఆంధ్ర నాయకుడైన, ఆంధ్ర కేసరి టంగుటూరి ప్రకాశం పంతులు గారి జ్ఞాపకార్ధము ప్రకాశం జిల్లాగా నామకరణము చేయబడింది.

అంతటి మహనీయుడు తన చరమ దశలో, కటిక దారిద్ర్యాన్ననుభవించారు. తనను శాలువతో సత్కరిస్తే, ఈ శాలువ నాకెందుకురా, ఆ డబ్బుతో అరటిపళ్ళు కొనితెస్తే ఓ పూట గడిచేది కదురా, అని తన అనుచరునితో అన్నారంటే, ఆయన పరిస్థితి అర్థంచేసుకోవచ్చు. ఆయన మూలంగా అధికారంలోకి వచ్చిన మహానాయకులందరూ, అధికారం కోసం ఆయనకు వెన్నుపోటు పొడిచినా, అధికారం కోసం ప్రాకులాడలేదు.

ఎన్నో ఎన్నెన్నో ఢక్కామొక్కీలు తిని, తనకిష్టమైన ప్లీడరీ పరీక్షలో నెగ్గి, అక్కడితో తృప్తి పడక ఇంగ్లండ్ పోయి బారిష్టరయ్యి, మద్రాస్ మైలాపూర్ అరవ మేధావులతో పోటీపడి, ఆ రోజులలోనే(1917-18 నాటికే) రోజుకు వెయ్యి రూపాయల ఫీజు తీసుకునే స్థాయిలో, కోస్తా జిల్లాలన్నిటిలో భూములు బంగళాలు కొనుగోలు చేసేటంతగా ఎదిగిన, మన కాలపు మేరునగధీరుడు టంగుటూరి ప్రకాశం పంతులు.

స్వాతంత్ర్యోద్యమ సమయంలో ఈ జిల్లాలో జరిగిన, చీరాల పేరాల ఉద్యమం పేరుగాంచింది. భారతాన్ని తెనిగించిన కవిత్రయాల్లో ఒకరైన ఎర్రాప్రగడ, సంగీత విద్వాంసుడు త్యాగరాజు, శ్యామశాస్త్రి, జాతీయ జెండా రూపశిల్పి పింగళి వెంకయ్య, ఇంజనీరు మోక్షగుండం విశ్వేశ్వరయ్య ఈ జిల్లా వారే.

వరి, సజ్జలు, రాగులు, జొన్నలు, చెరకు, వేరుసెనగ, ప్రత్తి, పొగాకు ప్రధానపంటలు. మార్కాపురం పలకలకు, చీమకుర్తి గ్రానైట్ గనులకు ప్రసిద్ధి. చీరాల చేనేత వస్త్రాలకు ప్రసిద్ది. ప్రకాశంజిల్లా అనగానే గుర్తుకు వచ్చేవి ఒంగోలు జాతి గిత్తలు.

మహాత్మా గాంధీతో పాలసీల విషయంలో చర్చలు జరిపిన వ్యక్తి, స్వరాజ్య పత్రికను 3 భాషలలో నడిపిన యోధుడు. టంగుటూరి పేదరికంలో పుట్టినా, చరిత్రలో నిలబడిన వ్యక్తి.   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.