చివరలో ఉన్న చిత్రం/ వీడియో/ ఆడియో మరువద్దు. 1 min read time.

Song Spirit - Chirunavvulatho Brathakali - Mee Sreyobhilashi - Rajendra Prasad, Naresh

- మన గాత్ర నైవేద్య సేవ Our Gatra Naivedya Seva - లింక్ లేదా బొమ్మ పై తాకితే, పాటల/ పద్యాల/ శ్లోకాల వీడియో మొదలు అవుతుంది.
- మన వ్రాత నైవేద్య సేవ Our Writing Naivedya Seva

Our Vocal/ Song/ Gatra, Writing/ Article, Photo, Video, Voice/ Talk, Social service, Living Guru Seva, Ayurveda, Mental Physical Naivedya Seva, Campaign about Good, for Manasik Chaitanya AcharaNa divine devotees - Conquer Arishadvarga Ashtavyasana, Satsang 5 min

మన పాట/గాత్ర, రచన/ కథనం/వ్రాత, ఫోటో, వీడియో, వాయిస్/మాట, సామాజిక సేవ, సజీవ గురు సేవ, ఆయుర్వేద, మానసిక శారీరక నైవేద్య సేవ, ప్రచారం మంచి గురించి, మానసిక చైతన్య ఆచరణ దైవ భక్తులకు - జయించు అరిషడ్వర్గ అష్టవ్యసన, సత్సంగం 5 నిమిషాలు

+ + +

అంతరాత్మ గొంతే నులిమి, శాంతి కోరుకుంటావా? అల్లుకున్న ఆధ్యాత్మిక అనుబంధాలే, తల్లిడిల్లిపోవా? అలజడే నిలువునా అలుముకున్నా, అలుపెరుగని చైతన్యం జీవితం మరువద్దు. వెలుగు నీడలు, అమావాస్య పౌర్ణమిలా, మన కర్మ ఫలాలను బట్టి, సమస్యలు వస్తుంటాయి పోతుంటాయి, కానీ ప్రాణం పోతే తిరిగి రాదు మిత్రమా, మీ శ్రేయోభిలాషి.

ముదుసలి తల్లి దండ్రులకు అత్తమామలకు సజీవ గురువు సేవ లేదా నిస్వార్ధం త్యాగం తో సమాజ సేవ చేసే మానవత్వం ఉన్న మనము అందరం, చిరునవ్వులతో బ్రతకాలి, చిరంజీవిగా బ్రతకాలి. ఆధ్యాత్మిక ఆనందాలను సాధనతో అన్వేషిస్తూ, అందరికోసం బ్రతకాలి. మన చుట్టూ ఉన్నా అందరినీ, సంస్కారం క్రుతజ్ఞత విశ్వసనీయతతో, బ్రతికించాలి. పిల్లల సంస్కార పెంపకం కు ప్రోత్సాహం చెయ్యాలి.

నిరాశా నిస్రుహలతో మన చుట్టూ ఉన్న ఒంటరివారిని, అభాగ్యులను, బాధలతో కుమిలి పోయే వారిని, ఓదారుస్తూ వారికి బతుకుపై ఆశ కలిగించాలి. సత్వగుణం తొ మనశ్శాంతి గా బతకమని బోధించాలి. ఇది 9 నిమిషాల పాట, ఎన్నో ఉదాహరణలతో ఉపమానాల పోలికతో వివరిస్తూ జీవితం పై ఆశను పెంచుతుంది.

ఆకాశం లో ఎగిరే పక్షి రెక్కకు సహజం, ఆ గాలిలో ఎగిరే లక్షణం. ఆ పక్షి ఏదో ఒకనాడు వదిలేస్తుంది నిన్నటి గూటిని,వదిలే ఆ క్షణం. కాబట్టి ఏదీ నీది కాదని అనుకో, ఏదోనాటికి. అయినా రేపు మిగిలే ఉంది, మానసిక ఆధ్యాత్మిక ఆశావాదికి.

చెట్టుకు ఉన్న ఏపుగా పెరిగిన, కొమ్మలన్నీ చుక్కలవైపే, కోరికోరి చూస్తున్నా కూడా, ఈ నేల మట్టితోటి అనుబంధాన్ని, చెట్టు మరువగలదా? విడువగలదా? చీడలే, నీడలై, వీడకున్నా, ఆధ్యాత్మిక సాధనతో మానసిక బలం పెరిగితే, అందరి బృందావనమే జీవితం.

+ + +

1 ఆత్మీయత కరువై.నా, అంధకారం ఎదురై.నా
బ్రతకడమే బరువై.నా, స్థితిగతులవి ఏవైనా… ఆ ఆఆ

చిరునవ్వులతో బ్రతకాలి, చిరంజీవిగా బ్రతకాలి 2
చిరునవ్వులతో బ్రతకాలి, చిరంజీవిగా బ్రతకాలి
ఆనందాలను అన్వేషిస్తూ, అందరికోసం బ్రతకాలి.
అందరినీ బ్రతికించాలి.
చిరునవ్వులతో బ్రతకాలి, చిరంజీవిగా బ్రతకాలి

2 ఎగిరే పక్షిరెక్కకు సహజం… ఎగిరే లక్షణం.
వదిలేస్తుంది నిన్నటి గూటిని… వదిలే ఆ క్షణం
ఏదీ నీది కాదని అనుకో, ఏదోనాటికి.
అయినా రేపు మిగిలే ఉంది, ఆశావాదికి.

కొమ్మలన్నీ చుక్కలవైపే, కోరికోరి చూస్తున్నా
మట్టితోటి అనుబంధాన్ని, చెట్టు మరువగలదా
చీడలే, నీడలై, వీడకున్నా… , అందరి బృందావనమే జీవితం..

చిరునవ్వులతో బ్రతకాలి… శ్రీకారంలా బ్రతకాలి 2
గతమంతా కనుమరుగవుతున్నా, నిన్నటి స్వప్నం నిలవాలి
నీ సంకల్పం గెలవాలి
చిరునవ్వులతో బ్రతకాలి, చిరంజీవిగా బ్రతకాలి

3 ఆశే నిన్ను నడిపిస్తుంది, ఆకాశానికి.
ఆశే దారి చూపిస్తుంది, అవకాశానికి..
ఆశే నీకు లక్ష్యం చేరే, అస్త్రం మిత్రమా.
ఆశే నీకు ఆయువు పెంచే, అమృతం నేస్తమా..

ఆశ వెంట ఆచరణుంటే, అద్భుతాలు నీ సొంతం
ఆదమరచి నిదురిస్తుంటే, అందదే వసంతం
నిప్పులే, గుండెలో, నిండుతున్నా… ఉప్పొంగే జలపాతం జీవితం..

చిరునవ్వులతో బ్రతకాలి, చిగురాశలతో బ్రతకాలి 2
అంతిమ విజయం అనివార్యమని, ఆశిస్తూ నువు బ్రతకాలి
ఆశయాన్ని బ్రతికించాలి
చిరునవ్వులతో బ్రతకాలి, చిరంజీవిగా బ్రతకాలి

4 బ్రతుకే నీకు బరువైతే, ఆ భారం దించుకో.
బరువేదైనా గురితో, ఓ నలుగురితో పంచుకో.
కలతే లేని జీవితమంటే, విలువే లేదులే.
అలుపే లేక అవలీలగ ఏ గెలుపూ రాదులే..

నింగినంటు ఎవరెస్టైనా, నేలనుండి మొదలౌను
నమ్ముకోకు అదృష్టాన్ని, నమ్ముకో ధైర్యాన్ని
మెరుపులే, పిడుగులై, ఉరుముతున్నా…, ఉరకలు వేసే కిరణం జీవితం

చిరునవ్వులతో బ్రతకాలి, చిరుదివ్వెలుగా వెలగాలి 2
లోకం నిండిన శోకం తుడిచే, వేకువలా ఉదయించాలి.
వెన్నెలనే కురిపించాలి…
చిరునవ్వులతో బ్రతకాలి, చిరంజీవిగా బ్రతకాలి

5 నీడే నిన్ను భయపెడితే… ఆ నేరం వెలుగుదా
నలుసే బాధపెడుతుంటే… ఆ దోషం కంటిదా
నేస్తం చూడు జీవితమంటే… నిత్యం సమరమే
సమరంలోనే కనుమూస్తే… ఆ మరణం అమరమే

పారిపోకు ఏ ఓటమికీ… ప్రపంచాన్ని విడిచి
జారిపోకు పాతాళానికి… బ్రతుకుబాట మరచి
వరదలా మృత్యువే తరుముతున్నా… ఆరని అగ్నిజ్వాలే జీవితం

చిరునవ్వులతో బ్రతకాలి… శిఖరంలా పెకైదగాలి 2
చావుకు చూపే ఆ తెగింపుతో… జీవించాలనుకోవాలి
నువు జీవించే తీరాలి…
చిరునవ్వులతో బ్రతకాలి… చిరంజీవిగా బ్రతకాలి

6 విజయం తలుపు తెరచేవరకూ… విసుగే చెందకు
విసుగే చెంది నిస్పృహతో… నీ వెనకే చూడకు
చిందే చెమటచుక్కకు సైతం… ఉందీ ఫలితమే
అది అందే వరకు సహనంతో… సాగాలి పయనమే

అంతరాత్మ గొంతే నులిమి… శాంతి కోరుకుంటావా
అల్లుకున్న అనుబంధాలే… తల్లిడిల్లిపోవా
అలజడే నిలువునా అలుముకున్నా… అలుపెరుగని చైతన్యం జీవితం

చిరునవ్వులతో బ్రతకాలి… చిరంజీవిగా బ్రతకాలి 2
ఆనందాలను అన్వేషిస్తూ… అందరికోసం బ్రతకాలి
అందరినీ బ్రతికించాలి…
చిరునవ్వులతో బ్రతకాలి… చిరంజీవిగా బ్రతకాలి

[ఆనందాలను అన్వేషిస్తూ అందరికోసం బ్రతకాలి, అందరినీ బ్రతికించాలి]
సమస్యలు వస్తుంటాయి పోతుంటాయి… కానీ ప్రాణం పోతే తిరిగి రాదు…. మీ శ్రేయోభిలాషి   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.