చివరలో ఉన్న చిత్రం/ వీడియో/ ఆడియో మరువద్దు. 1 min read time.

10 ఏళ్ళ లోపు పిల్లలకు పుట్టిన రోజు పండుగలు ఓ సరదా, ఓ సంబరము, ఓ ముచ్చట. కానీ 20 దాటిన వారు కూడా, ఏదో జీవితము లో సాధించేసాము అని, రాత్రి పార్టీలు డాన్సులు కేకులు, మత్తులో అవి ఇవి పగలకొడతారు. సరే వారు కుర్ర వయసు అనుకుందాము.

మరి 30 దాటిన వారు? వీరైనా, ఆలోచన చెయాలి, ఏమి సాధించాము? మంచి ఉద్యోగమా? మంచి సంపాదనా? మంచి గుణమా, వ్యక్తిత్వమా?

మాల్యా లాంటి వారు మంచి వ్యాపారం చేసి, బాగా సంపాదించి, చివరకు దేశం వదిలి పారిపోయారు, ఎందుకు? అలాంటి వారు ఎందరో, ఇంకా దేశం లో అధికారం చాటున నక్కలా దాంకుని ఉన్నారు. మంచి గుణము లేకనే కదా?

అసలు ఎందుకు పుట్టాము, ఏమి చేస్తున్నాము? మనము తిని పడుకోవడానికా? లేదు స్వార్ధము కోసము పెళ్ళి చేసుకుని, తల్లి దండ్రులకే పనికి రాని లేదా వారినే తుంచే, పాపపు సంతానాన్ని పెంచి, భూమాత భారాన్ని పెంచి, అష్ట వ్యసనాలకో, ఓ సునామీ కో, భూకంపాని కో, కరోనా పరంపర కో, బలి ఇవ్వడానికా?

అంటే ఎంత డబ్బు అధికారం ఐశ్వర్యం ఉన్నా కూడా, నమ్మకమైన గుణం కలిగిన వ్యక్తి మన వెంట లేక పోతే, ఆ ధనమే మన పాలిట శాపం అవుతుంది. ధనాన్ని ఎక్కడైనా దాచుకోవాలి, ఎప్పుడు ఎవరైనా దోచుకోవచ్చు. కానీ గుణాన్ని దోచుకోలేరు, కదా?

అలాంటి గుణం వారికోసం స్నేహము చేయాలి. అందుకే పేదవారికి ఎక్కువ మమతలు ఉంటాయి అంటారు. మంచి గుణం ఉన్న హ్రుదయం, దైవ మందిరములా మనశ్శాంతిని ధైర్యాన్ని ఇస్తుంది భవిష్యత్ పై.

అందుకే మంచి గుణము తో, అరిషడ్వర్గాలను జయించాలి, కనీసం ప్రయత్నము చెయ్యాలి. పువ్వు పుట్టి రాలి పోతే, ఉపయోగము లేదు, జడ లోకి వెళితే సాధారణ ఉపయోగం, కానీ గుడిలోకి వెళితే, జన్మ ధన్యంల్. ముత్యం సముద్రము లో ఉంటే, ఉపయోగం లేదు, హారము లో ఉంటే, దానికి మంచి స్థానము వచ్చినట్లు.

అలాగే పుట్టిన ప్రతి మనిషి, తాను ఎందుకు పుట్టాను, ఏమి సాధించాను, ఎవరికి మంచి చేసాను, సొంత ఊరికా? కనీసం తనకు తనకైనా మంచి చేసాడా? ముదుసలి తల్లి దండ్రులకైనా అండ గా ఉన్నాడా?

అలాగే, తెలిసిన నలుగురికి మంచి చేస్తూ లేదా పంచుతూ, కనీసం వారానికి పలకరిస్తూ క్షేమం కోరితే సంస్కారము పెంచితే, అందరూ దేవుని బిడ్డలు అని అంగీకరించినట్లు. సొంత స్వార్ధము కొంత మానుకుని, పొరుగు వారికి అదే మానవ సేవయే మాధవ సేవ గా పరిగణించబడుతుంది. మనమున్నా లేక పోయినా, మన పేరు నిలబడుతుంది.

కానీ అందరము ఇప్పుడు బీజీ అండి, మా కుటుంబము లోనే ఎవరము రోజూ మాట్లాడుకోము, ధన పిచ్చిలో పడి అంటున్నారు, సెల్ ఫోన్ నెట్ వచ్చాక, దూరాలు మరీ పెరిగిపోయాయి. వీలైనంత వరకు, ధర్మాన్ని నిలబెట్టే ప్రయత్నము చెద్దాము, ఓడిపోయినా, ఆ పుణ్యం మనతో ఉంటుంది. తర్వాత ఉత్తమ లోకాలకు మార్గము ఉంటుంది సుమా.

మనము వేడుకలు చేసుకోక పోయినా, మనము భూమిపై పడిన రోజు, మే 1, ప్రపంచములో సగము జనాభా/ దేశాలు కార్మిక దినోత్సవముగా సంబరాలు చేసుకుంటుంది. మరి అరిషడ్వర్గాల సాధనలో ఎన్ని అడుగులు వేసామో, కనీసం తల్లి దండ్రుల సేవైనా, సనాతన ధర్మ ప్రచారమైనా, దైవ సేవ అయినా, తెలుగు భాష సేవ అయినా, ఊరు కోసం కనీసం ప్రయత్నము అయినా చేసామో లేదో, పెద్దలు గురువులు మీరే చెప్పాలి.

పుట్టినరోజు పండగే అందరికి, మరి పుట్టింది ఎందుకో తెలిసేది ఎందరికి
పుట్టినరోజు పండగే అందరికి, మరి పుట్టింది ఎందుకో తెలిసేది ఎందరికి, ఎందరికి ఎందరికి

కలిమికేమి వలసినంత ఉన్నా, మనసు చెలిమి కొరకు చేయి చాచుతుంది
ఆ మనసే ఎంత పేద దైనా, అనురాగపు సిరులు పంచుతుంది
మమత కొరకు తపియించే జీవనం 2
దైవమందిరంలా పరమపావనం

పుట్టినరోజు పండగే అందరికి మరి పుట్టింది ఎందుకో తెలిసేది ఎందరికి ఎందరికి ఎందరికి

పువ్వెందుకు తీగపై పుడుతుంది, జడలోనో గుడిలోనో నిలవాలని
ముత్యమేల కడలిలో పుడుతుంది, ముచ్చటైన హారంలో మెరవాలని
ప్రతి మనిషి తన జన్మకు, పరమార్థం తెలుసుకొని 2
తన కోసమే కాదు, పరుల కొరకు బ్రతకాలని 2
తానున్నా లేకున్నా 2 తన పేరు మిగలాలి

పుట్టినరోజు పండగే అందరికి మరి పుట్టింది ఎందుకో తెలిసేది ఎందరికి ఎందరికి

పుట్టిన రోజు పండగే వీడియో సాంగ్, జీవన తరంగాలు సినిమా, శోభన్ బాబు, కృష్ణంరాజు, వాణిశ్రీ

Puttina Roju Pandage Video Song, Jeeevana Tarangalu Movie, Sobhan Babu, Krishnamraju, Vanisree   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.